ચીનનું વર્ચસ્વ હવે ખતમ! આ 14 દેશોએ હાથ મિલાવ્યા, ડ્રેગનને ઘેરવાનો પ્લાન તૈયાર

[ad_1]

અમેરિકા અને ભારત સહિત ઈન્ડો-પેસિફિક ઈકોનોમિક ફ્રેમવર્કના 14 ભાગીદાર દેશોએ કરાર કર્યા

લેબર રાઇટ્સ એડવાઇઝરી નેટવર્કની સ્થાપનાની સંમતી

Updated: May 30th, 2023

દુનિયામાં પોતાનું વર્ચસ્વ વધારવાની કોશિશ કરી રહેલા ચીનની મુશ્કેલીમાં વધારો થઇ શકે છે. એક તરફ ચીને નાના અને નબળા દેશોને દેવાની જાળમાં ફસાવીને ગરીબ કરી દીધા છે. એવામાં, પ્રશાંત મહાસાગર દ્વારા સરહદ અને આર્થિક કોરિડોર સુધી ઘૂસણખોરી વધારીને ગેરકાયદે ગતિવિધિઓ કરવાની ચીનની યોજનાઓ હવે નિષ્ફળ જવાની છે. ચીનની આ ગતિવિધિઓને રોકવા માટે 14 દેશોએ સાથે મળીને સમજૂતી કરી છે.

14 દેશોનું જૂથ ચીનને પડકારશે

ચીન પરની નિર્ભરતા ઘટાડવાની સાથે, આ કરાર ભવિષ્યની સપ્લાય ચેઇન કટોકટીને સમાપ્ત કરવા માટે પણ કામ કરશે. આ માટે અમેરિકા અને ભારત સહિત ઈન્ડો-પેસિફિક ઈકોનોમિક ફ્રેમવર્કના 14 ભાગીદાર દેશોએ કરાર કર્યા છે. આ કરાર કોઈપણ અવરોધ વિના સપ્લાય ચેઈન ચાલુ રાખવાના હેતુથી કરવામાં આવ્યો છે. 

લેબર રાઇટ્સ એડવાઇઝરી નેટવર્કની સ્થાપનાની સંમતી 

આ કરાર માટે, IPEF દેશોની બીજી મંત્રી સ્તરીય બેઠક ગયા સપ્તાહના અંતમાં ડેટ્રોઇટમાં યોજાઈ હતી. આમાં, જૂથ IPEF સપ્લાય ચેઇન કાઉન્સિલ, સપ્લાય ચેઇન ક્રાઇસિસ રિસ્પોન્સ નેટવર્ક અને લેબર રાઇટ્સ એડવાઇઝરી નેટવર્કની સ્થાપના કરવા માટે સંમત થયા છે.

આ 14 દેશોનો વૈશ્વિક GDPમાં 40 ટકા હિસ્સો 

IPEF એ વ્યાપારના વિકાસ, સ્વચ્છ અર્થતંત્ર અને માળખાના ન્યાયી અર્થતંત્રના સ્તંભો પર પણ ભાર મૂક્યો છે. સ્વચ્છ અર્થતંત્રના માળખામાં, સભ્ય દેશો પ્રાદેશિક હાઇડ્રોજન પહેલ સ્થાપિત કરવા સંમત થયા છે. IPEF દેશોનું આ પગલું ખૂબ જ મહત્વપૂર્ણ માનવામાં આવે છે કારણ કે આ દેશો વૈશ્વિક જીડીપીના 40 ટકા અને વૈશ્વિક માલસામાન અને સેવાઓના વેપારમાં 28 ટકા હિસ્સો ધરાવે છે.

Leave a comment