13 મિનિટ પેહલા
- કૉપી લિંક
નેટફ્લિક્સે 2021માં કોરિયન સિરીઝ ‘સ્ક્વિડ ગેમ’નો પહેલો ભાગ રજૂ કર્યો હતો. આ શો સુપરહિટ રહ્યો અને એક અઠવાડિયામાં જ તે ગ્લોબલ હિટ થઈ ગયો.
આ શોમાં 456 સ્પર્ધકો ભાગ લેશે
હવે જ્યારે દરેક તેની બીજી સીઝનની રાહ જોઈ રહ્યા છે ત્યારે નેટફ્લિક્સે એક રિયાલિટી શોનું ટીઝર શેર કર્યું છે. આ શો સ્ક્વિડ ગેમની તર્જ પર બનાવવામાં આવ્યો છે. તેમાં 456 લોકો ભાગ લેશે અને વિજેતાને 4.56 મિલિયન ડોલરની ઈનામી રકમ મળશે.
સેટ શો જેવો દેખાતો હતો
નેટફ્લિક્સ ઈન્ડિયાએ તેના ઈન્સ્ટાગ્રામ એકાઉન્ટ પર આ શોનું ટીઝર શેર કર્યું છે. ટીઝર દર્શાવે છે કે ઘણા સ્પર્ધકો શોના સેટને જોયા પછી અભિભૂત થઈ ગયા હતા કારણ કે તે મૂળ શોમાં બતાવ્યા પ્રમાણે જ ડિઝાઇન કરવામાં આવ્યો હતો.
22મી નવેમ્બરથી સ્ટ્રીમ થશે
આ રિયાલિટી શોના સેટ પર લાલ ટ્રેકસૂટ અને માસ્ક પહેરેલા ગાર્ડ્સ પણ હાજર છે. આ સિવાય સ્પર્ધકોને એ જ ગેમ્સ રમાડવામાં આવી રહી છે જે ઓરિજિનલ શોમાં રમાઈ હતી. ‘Squid Game: The Challenge’ નામનો આ શો 22 નવેમ્બરથી માત્ર નેટફ્લિક્સ પર સ્ટ્રીમ થશે.
વેબ સિરીઝનો બીજો ભાગ આવતા વર્ષે રિલીઝ થશે
આ વર્ષની શરૂઆતમાં, નિર્માતાઓએ આ વેબ સિરીઝના બીજા ભાગની જાહેરાત કરી હતી. નિર્માતાઓએ જણાવ્યું હતું કે તેની બીજી સિઝનમાં કેટલાક નવા ખેલાડીઓ ઉમેરવામાં આવશે. લી યંગ જે, હૈયુન યુંગ, વાય હા-જૂન જેવા કલાકારો તેના પહેલા ભાગમાં જોવા મળ્યા હતા.
જો કે, શોમાં જૂના કલાકારો રિપીટ થશે કે કેમ તે હજુ જાહેર થયું નથી. એવી અપેક્ષા છે કે આ સિઝન આવતા વર્ષ સુધીમાં રિલીઝ થઈ જશે.
