Once Wahidaji slapped me, now he praised me | અમિતાભ બચ્ચને કહ્યું, ‘એક્ટર્સ અરીસો પકડવા માટે 4 લોકોને રાખતાં હતાં, જ્યારે વહીદાજી ફક્ત કોમ્પેક્ટ રાખતાં હતાં’

ટેલિવિઝન શો ‘કૌન બનેગા કરોડપતિ’ની 15મી સીઝનમાં અમિતાભ બચ્ચને દિગ્ગજ એક્ટ્રેસ વહીદા રહેમાનના વખાણ કર્યા છે. બિગ બીએ તેમની તુલના તે સ્ટાર્સ સાથે કરી છે જેઓ તેમના લુક અને મેકઅપને ચેક કરવા માટે માત્ર અરીસાને પકડવા માટે 4 લોકોને ભાડે રાખતા હતા, જોકે વહીદા તો માત્ર એક નાના કોમ્પેક્ટ મિરરથી કામ ચલાવતા હતા.

‘કૌન બનેગા કરોડપતિ 15’ ના હાલમાં ટેલિકાસ્ટ થયેલા એપિસોડમાં દિલ્હી મેટ્રોના વરિષ્ઠ સ્ટેશન મેનેજર રિચા સિંહ હોટસીટ પર આવ્યાં હતાં. ગેમ શરૂ કરતા પહેલાં દર્શકોને રિચા સિંહનો એક વીડિયો બતાવવામાં આવ્યો હતો, ત્યારબાદ અમિતાભ બચ્ચને પીઢ અભિનેત્રી વહીદા રહેમાનની સ્ટોરી શેર કરી હતી.

અમિતાભ બચ્ચન અને વહીદા રહેમાન ફિલ્મ ‘રેશમા ઔર શેરા’માં સાથે જોવા મળ્યા હતા

તેમણે જણાવ્યું કે વહીદા જી કોમ્પેક્ટ (મેકઅપ પ્રોડક્ટ) બહુ જ ગમતો હતો જેનાથી તે પોતાનો તમામ મેકઅપ કરતાં હતા. તેઓ હંમેશા તેમની સાથે તે નાનો કોમ્પેક્ટ રાખતા હતા. તેમણે વધુમાં કહ્યું કે, તે સમયે એવા ઘણા કલાકારો હતા જેઓ માત્ર અરીસો પકડવા માટે 4 લોકોને પોતાની સાથે રાખતા હતા, કારણ કે શૉટ શરૂ થતા પહેલાં તેમને મેકઅપ, આઉટફિટ બધું જ જોવું પડતું હતું. તેઓ જોતા હતા કે બધું પરફેક્ટ છે કે નહીં. જો કે, આ કહ્યા બાદ અમિતાભ બચ્ચને તે કલાકારોના નામ લેવાનો ઇનકાર કરતા કહ્યું હતું કે જો તે કલાકારોના નામ લેશે તો તેઓ મને પકડી લેશે.

વહીદા રહેમાને એકવાર અમિતાભ બચ્ચનને થપ્પડ મારી હતી
1971માં આવેલી ફિલ્મ ‘રેશમા ઔર શેરા’માં અમિતાભ બચ્ચન, વહીદા રહેમાન અને સુનીલ દત્ત લીડ રોલમાં હતા. શૂટિંગ દરમિયાન વહીદાએ એક સીન માટે અમિતાભ બચ્ચનને નકલી થપ્પડ મારવી પડી હતી. શૂટિંગ શરૂ થાય તે પહેલાં વહીદાજીએ તેમને ચેતવણી આપી અને કહ્યું કે તૈયાર રહો, હું તમને જોરથી થપ્પડ મારીશ. અમિતાભ બચ્ચને વિચાર્યું કે કદાચ વહીદા મજાક કરે છે, પરંતુ એક્શન સાંભળીને વહીદાએ આકસ્મિક રીતે તેમને જોરદાર થપ્પડ મારી દીધી. તેમને તે થપ્પડ ખૂબ જ જોરથી મારી હતી, જેમને જોઈને સેટ પર હાજર દરેક લોકો આશ્ચર્યચકિત થઈ ગયા હતા.

અમિતાભ બચ્ચન વહીદા રહેમાનને પોતાની પ્રેરણા માને છે

સીન પૂરો થયાના થોડા સમય બાદ અમિતાભ બચ્ચન વહીદાજી પાસે આવ્યા અને કહ્યું, વહીદા જી, બહુ સારું હતું. બંનેએ તેમને પ્રોફેશનલ રીતે જ જોયું હતું, જેનાથી તેમની મિત્રતા પર કોઈ અસર થઈ નહીં. અત્રે ઉલ્લેખનીય છે કે બંને ‘અદાલત’, ‘ત્રિશુલ’, ‘કુલી’, ‘નમક હલાલ’ ને ‘રેશમા ઔર શેરા’​​​​​​​ જેવી ઘણી હિટ ફિલ્મોમાં સાથે જોવા મળ્યા હતા.

વહીદા રહેમાનને દાદાસાહેબ ફાળકે એવોર્ડ આપવામાં આવશે

હાલમાં જ માહિતી અને પ્રસારણ મંત્રી અનુરાગ ઠાકુરે જાહેરાત કરી છે કે આ વર્ષે વહીદા રહેમાનને દાદા સાહેબ ફાળકે એવોર્ડથી સન્માનિત કરવામાં આવશે. વહીદા આ એવોર્ડ મેળવનાર 7મી મહિલા છે. તેમના પહેલાં આશા પારેખને વર્ષ 2022માં આ એવોર્ડ મળ્યો હતો.

અમિતાભ બચ્ચન આ દિવસોમાં KBC 15માં જોવા મળે છે. આ પછી તેઓ ‘ગણપત’, ‘કલ્કી’, ‘ધ ઉમેશ ક્રોનિકલ’ જેવી ફિલ્મોમાં જોવા મળશે.