Photos : TVના રામ-સીતા બન્યા પ્રાણ પ્રતિષ્ઠાના સાક્ષી, ખુબસુંદર તસવીરો કરી શેર

Photos : TVના રામ-સીતા બન્યા પ્રાણ પ્રતિષ્ઠાના સાક્ષી, ખુબસુંદર તસવીરો કરી શેર


નવી દિલ્હી; તા. 22 જાન્યુઆરી 2024, સોમવાર 

ભગવાન રામની જન્મભૂમિ ‘અયોધ્યા’ આજે ઝળહળી રહી છે, કારણ કે રામ મંદિરના અભિષેકનું કામ પૂર્ણ થઈ ગયું છે. આજે 22મી જાન્યુઆરીના રોજ અયોધ્યામાં રામ લલાની પ્રાણ પ્રતિષ્ઠા કરવામાં આવી હતી.આ ખાસ પળના સાક્ષી બનવા માટે બોલિવૂડ સ્ટાર્સ પણ રામ લલ્લાના શહેરમાં પહોંચ્યા હતા. જેના ફોટોસ પણ સોશિયલ મીડિયામાં વાયરલ થઇ રહ્યાં છે. 

આ કાર્યક્રમમાં રણબીર કપૂર, આલિયા ભટ્ટ, રાજકુમાર હિરાની, દિગ્દર્શક રોહિત શેટ્ટી અને આદિપુરુષ નિર્દેશક ઓમ રાઉત સહિત વિવિધ ક્ષેત્રના લોકોએ હાજરી આપી હતી. અરુણ ગોવિલ અને દીપિકા ચિખલિયા સિવાય ગુરમીત ચૌધરી અને દેબીના બેનર્જીએ પણ ભગવાન રામ અને માતા સીતાની ભૂમિકા ભજવી છે. 

ટીવી સીરિયલમાં રામ અને સીતાની ભૂમિકા ભજવનાર ગુરમીત ચૌધરી અને દેબીના બેનર્જીએ પણ અભિષેક સમારોહમાં ભાગ લીધો હતો. ગુરમીત અને દેબીનાએ વર્ષ 2008માં આવેલી રામાનંદ સાગરની ‘રામાયણ’થી ટેલિવિઝનની દુનિયામાં પ્રવેશ કર્યો હતો.

આ બંનેની જોડી રામ અને સીતા તરીકે પણ ઘણી લોકપ્રિય બની હતી. હવે રામ મંદિર પ્રાણ પ્રતિષ્ઠા સમારોહમાં ભાગ લેનાર દેબીના બેનર્જીએ તેના ઓફિશિયલ ઈન્સ્ટાગ્રામ પર આ સમારોહ સાથે સંબંધિત ઘણી તસવીરો શેર કરી છે. જે ખૂબ જ સુંદર છે. 

આ ફોટોમાં બંનેએ પોતાના ગળામાં ફુલોની હારમાળા પહેરેલી છે. આ કપલ એક હોડી પર સવારી કરી રહ્યા છે, બીજા ફોટામાં, તેઓ નદી કિનારે ઉભા છે અને હાથ જોડીને પ્રાર્થના કરતા દેખાઇ રહ્યાં છે. 

આ સુંદર તસવીરો શેર કરવાની સાથે દેબિનાએ કેપ્શનમાં લખ્યું છે કે, “આ કનેક્શન ખૂબ જ અતૂટ છે. પુસ્તકોમાં વાંચવાથી લઈને ઓનસ્ક્રીન રામ-સીતાની ભૂમિકા ભજવવા સુધી અને પછી ભગવાન રામના જન્મસ્થળ પર આવવા અને જીવનના પવિત્રતાના સાક્ષી બનવા માટે ખરેખર મારી જાતને ખૂબ નસીબદાર માનું છું”.

ગુરમીત ચૌધરી અને દેબીના બેનર્જીની આ તમામ તસવીરો પર ચાહકો ઘણો પ્રેમ વરસાવી રહ્યા છે અને જય શ્રી રામ લખી રહ્યા છે. આ સાથે એક યુઝરે લખ્યું કે, તમે બંને અમારા સિયા-રામ છો. 

અન્ય એક યુઝરે લખ્યું કે, “2008માં આવેલી રામાયણ અમારા દિલમાં વસી ગઈ છે… શ્રી રામ અને માતા સીતાની ભૂમિકા ભજવવા માટે તમે અમારા પ્રિય અભિનેતા છો”. મહત્વનું છેકે, આ કપલે રામ સીતાની ભૂમિકા ભજવીને દર્શકોના દિલ જીત્યા હતા. 

Leave a comment