9 મિનિટ પેહલા
- કૉપી લિંક
બોલિવૂડની ગ્લેમરસ અભિનેત્રી સની લિયોની ગુરુવારે વારાણસી પહોંચી હતી. સની પોતાના નવા મ્યુઝિક આલ્બમ ‘થર્ડ પાર્ટી’ના પ્રમોશન માટે વારાણસી આવી હતી. અભિનેત્રી તેના કપાળ પર તિલક કરીને અને ગળામાં માળા પહેરીને ગંગા આરતી કરતી જોવા મળી હતી. સસ્પેન્ડેડ IAS અભિષેક સિંહ પણ સની સાથે ગંગા આરતીમાં જોવા મળ્યો હતો. તમને જણાવી દઈએ કે, અભિષેક સિંહ ઉત્તર પ્રદેશના IAS ઓફિસર હતા. અભિષેકને ફેબ્રુઆરી 2023માં સરકારી વાહનની સામે ફોટો પડાવવા અને તમને સોશિયલ મીડિયા પર અપલોડ કરવા બદલ સસ્પેન્ડ કરવામાં આવ્યો હતો. હવે તે સંગીતની દુનિયામાં પોતાનું કરિયર બનાવવા માગે છે.
પ્રેસ કોન્ફરન્સ દરમિયાન સની લિયોનીએ ધાર્મિક ફિલ્મોમાં કામ કરવાની ઈચ્છા વ્યક્ત કરી હતી. સનીએ કહ્યું કે દરેક કામ કરવા માટે પેશન હોવું જોઈએ. હૃદયથી કરેલું દરેક કામ સારું હોય છે. તેણીએ વધુમાં કહ્યું કે જો મને તક મળશે તો હું ચોક્કસપણે ધાર્મિક ફિલ્મો કરીશ, પરંતુ આવી ફિલ્મો ખૂબ સમજી વિચારીને કરવી જોઈએ. સની લિયોને પણ બાબા વિશ્વનાથની મુલાકાત લીધી હતી.
